(Reading time: 1 - 1.75 hours)
ஸ்வேதாவின் ராகுல் - பிந்து வினோத் : Swethavin Rahul - Bindu Vinod
 

ஸ்வேதாவின் ராகுல் - பிந்து வினோத்

 

 

ஸ்வேதா – பின் இருபதுகளில் இருக்கும் நவீன யுவதி.

  

தான் பிடித்த முயலுக்கு மூன்று கால் என்ற முடிவுக்கு அவள் வந்துவிட்டால், அவளை பொறுத்த வரை அது தான் சரி. உலகெங்கும் தேடி நாலைந்து ப்ரூப் கண்டுப்பிடித்து மற்றவர்களையும் அதையே நம்ப வைப்பாள்.

  

அந்த அளவிற்கு வறட்டு பிடிவாதம், ஈகோ.

  

இதற்காகவே அவளுக்கு அதிக பிரென்ட்ஸ் கிடையாது. ஒரே ஒரு பிரென்ட், ஷெல்லி. அவளும் ஸ்வேதா அவளுக்கு செய்திருக்கும் உதவிகளுக்காக ஸ்வேதாவின் குணத்தை பொறுத்து போபவள்.

  

பிடிவாதம் இருந்தாலும் ஸ்வேதாவிடம் நல்ல மனதும், உதவும் மனப்பான்மையும் இருந்தது. அயராது உழைப்பவளும் கூட.

  

***************

  

ராகுல் – ஸ்வேதாவை விட இரண்டு மூன்று வயது பெரியவன்.

  

வாழ்க்கையில் எதையுமே சீரியசாக எடுத்துக் கொள்ளாமல் ஈசியாக எடுத்துக் கொள்பவன். பெண்களின் மனதை சுண்டி இழுக்கும் ஆளுமையும், புன்னகையும் அவனுடைய மிகப் பெரிய ப்ளஸ். இதனாலேயே எப்போதும் அவனைச் சுற்றி பெண்கள் இருந்துக் கொண்டே இருப்பார்கள்.

  

ராகுலுக்கு பிடிக்காத ஒரே வார்த்தை கமிட்மென்ட்.

  

தன்னை கட்டுப்படுத்தும் எதுவும் ராகுலுக்கு பிடிக்காது. மனம் போல வாழ்பவன்.

  

வேலையில் படு சுட்டி. அவனை பிடிக்காதவர்கள் மிக சொற்பம்.

  

************

  

ப்படி எதிரும் புதிருமாக இருக்கும் ஸ்வேதா & ராகுலுக்கு நடுவே ஒரே ஒரு ஒற்றுமை இருந்தது.

  

அது என்ன என்றால்...........

  

***********

  

னக்கு கமிட்மெண்ட்ஸ் சுத்தமா பிடிக்காது. எந்த தளையும் இல்லாம சுதந்திரமா பறக்க தான் பிடிக்கும். தேங்க் காட் நான் இந்த மாடர்ன் 22 ஆம் நூற்றாண்டுல பிறந்திருக்கேன். அதனால லைஃபை ஜாலியா என்ஜாய் செய்யலாம், அதுக்காக கல்யாணம், குடும்பம்னு மாட்டிக்க வேண்டாம்.”

  

ஐந்து வருடங்களுக்கு முன் ராகுல் சொன்னது ஸ்வேதாவிற்கு இப்போதும் அப்படியே நினைவில் இருந்தது.

  

அவ்வப்போது ராகுலுடன் ஜோடியாக கண்ணில் படும் புது, புது பெண்கள் அவன் இப்போதும் மாறவில்லை என்பதை அவளுக்கு சொன்னது.

  

ஸ்வேதா ராகுலை வெறுத்தாள்!

  

அவன் எப்போதும் அவ்வளவு கவர்ச்சியாக அவளின் கண்ணுக்கு தெரிகிறானே, அதற்காக வெறுத்தாள்!

  

எப்போதும் வேலையில் அவ்வளவு திறமைசாலியாக திகழ்கிறானே அதற்காகவும் வெறுத்தாள்!

  

அதை எல்லாம் விட,